$40本地爆芝士手打牛堡!!! 大窝口亲民小食部

荃湾多美食就大家都知，但今次同大家介绍嘅舖头，表面上可能无咩特别，行过咗都唔知，但原来暗藏美食！由大窝口行过去唔驶十分钟见到呢间好似小食部嘅舖头，除咗有即叫即烧烧物，仲有唔少Blooger都推介过嘅爆芝士手打牛堡同黑松露芝士玉子烧，见到啲芝士流浆咁，不禁流晒口水，价钱仲要唔贵，真係要讲句，好抵食呀！

1. 本地手打牛肉芝士瀑布汉堡 （$40）

呢个芝士瀑布牛肉汉堡真係够晒诚意，包如其名，芝士真係好似瀑布咁流出嚟！

咬开后，芝士仲有拉丝，裹面嘅手打牛肉仲要充满肉汁。

攞开头个层汉堡，就会见到传说中嘅芝士拉丝！Blogger 大仁生活都推介过呢间店舖。

2.平民黑松露小食 芝士黑松露玉子烧（$28）

平时要食黑松露嘅小食，价钱都好贵，唔捨得食，但今次有福啦，呢个芝士黑松露玉子烧只係需要$28就食到，仲要落足料，係咪好抵食呢～唔想食黑松露，佢仲有$15嘅芝士玉子烧，芝士同样流浆咁，最啱芝士狂迷！

3.即叫即烧 抵食烧物

平时要食放题先食到嘅香煎一口牛，依家$22 有成十几粒，抵食！

羊架即叫即烧，只需$20，睇落都啖啖肉，好抵食呀！

4.亲民小食弹牙鱼蛋（20/18粒）

鱼蛋同平时食开嘅唔同，唔係金黄色而係白色，鱼蛋炸过，外皮脆，入面都几弹牙！呢间路边小食部，除咗好食之外，原来仲係社工为协助年青人投入社会嘅木人巷，果然係一间良心小店！不过唯一嘅缺点就係因为店面比较细，就要企係度或者用高櫈食。鲍记大食部地址：荃湾荃华街36-48号富丽花园B商场地下38A舖营业时间：11am – 12am(星期一至五); 10am – 12am(星期六、日及公众假期)延伸阅读唔驶$70! 全港4大抵食蒲烧鳗鱼饭 ~ 油香肥美！黐线吸引! 流心+千层蛋糕! Instagram小店独卖